Həbs olunan milyarderlə bağlı yeni məlumat: Görün kimin qətlində şübhəli bilinir

Xəbər verdiyimiz kimi, rusiyalı miyarder İbrahim Süleymanov həbs olunub. Son məlumata görə, o, 2004-cü il aprelin 28-də Maliyyə Bərpası və İflas üzrə Federal Xidmətin (FSFO) keçmiş rəhbəri Qeorqi Talın qətlinin sifarişini verməkdə ittiham olunur.

Publika.az xəbər verir ki, bu barədə REN TV öz mənbəsinə istinadən məlumat yayıb.

Bildirilir ki, qatil Staraya Basmannaya küçəsində Q.Tal tərəfə bir neçə dəfə atəş açıb. O, reanimasiyaya yerləşdirilsə də, aldığı xəsarətlər nəticəsində dünyasını dəyişib. Mənbənin telekanala verdiyi məlumata görə, qatil saxlanılıb.

Mənbə qeyd edib ki, 2007-ci ildə Süleymanov və onun ortağı Tatevos Surinov dələduzluqda və çirkli pulların yuyulmasında təqsirli biliniblər. Basmannı məhkəməsi onları 10 il müddətinə azadlıqdan məhrum edib və milyarder 2015-ci ildə şərti azadlığa buraxılıb.

Bundan əvvəl bildirilib ki, hüquq-mühafizə orqanlarının əməkdaşları uzun müddət sübut əldə edə bilməsələr də, 2025-ci ildə oliqarxın əleyhinə ifadə verən şahidi tapmağa nail olublar.

Adəm