Almaniyadan qayıdıb arvadının boğazını kəsən Səbuhinin MEYİTİ TAPILDI - YENİLƏNDİ

Tovuz rayonunda həyat yoldaşı Mətanət Hacızadəni öldürməkdə şübhəli bilinən 32 yaşlı Səbuhi Hacızadənin meyiti tapılıb.

Publika.az Teleqraf-a istinadla xəbər verir ki, onun meyiti hadisənin baş verdiyi Əyyublu kəndində ağacan asılmış vəziyyətdə aşkarlanıb.

Qeyd edək ki, Mətanət Hacızadə ilə aralarında yaranan mübahisə zamanı S.Hacızadə qadının boğaz nahiyəsinə kəsici alətlə xəsarət yetirərək onu öldürüb. Səbuhi Hacızadə cinayətin motivi barədə sosial şəbəkədə video paylaşaraq açıqlama verib və özünü də öldürəcəyini bildirmişdi.

Qeyd edək ki, cütlüyün üç övladı var. S.Hacızadənin ötən gün xaricdən Azərbaycana qayıtdığı bildirilir.

xxx

14:36

Tovuz rayonunda baş verən qətlin bəzi təfərrüatları məlum olub.

Publika.az Teleqraf-a istinadla xəbər verir ki, hadisəni törətməkdə şübhəli bilinən 32 yaşlı Səbuhi Hacızadə bir müddətdir Almaniyada yaşayırmış və dünən axşam Azərbaycana qayıdıb.

Məlumata əsasən, həyat yoldaşı Mətanət Hacızadə ilə aralarında yaranan mübahisə zamanı S.Hacızadə qadının boğaz nahiyəsinə kəsici alətlə xəsarət yetirib.

Cütlüyün üç oğlu var.

Qətl hadisəsini törədən Səbuhi Hacızadə cinayətin motivi barədə özünün "TikTok" səhifəsində video paylaşaraq açıqlama verib.