Gözəllik kraliçasını oğurladı, parçaladı, yandırdı - Manyakın FOTOSU

Amerika Birləşmiş Ştatlarında gözəllik kraliçasını oğurlamaqda və öldürməkdə şübhəli bilinən şəxsə qarşı ittiham irəli sürülüb.

Publika.az xəbər verir ki, bu barədə “Pople” nəşri məlumat yayıb.

"Miss Pennsylvania USA" gözəllik müsabiqəsinin iştirakçısı Kada Skot oktyabrın 4-də işdən qayıtmayıb. Ailəsi iddia edir ki, yoxa çıxmazdan əvvəl ona bir neçə dəfə hədələyici telefon zəngləri gəlib.

Oktyabrın 15-də polis Skotu tanıyan və yoxa çıxmazdan bir müddət əvvəl onunla yazışmış şübhəli 21 yaşlı Keon Kinqi həbs edib. Üç gün sonra onun qalıqları Filadelfiyada meşəlik ərazidə tapılıb. Yaxınlıqda yanmış avtomobil də tapılıb ki, müstəntiqlərin fikrincə, Kinq onun cəsədini həmin əraziyə o avtomobillə daşıyıb.

Kinq qızın qətlində ittiham olunur. Ona qarşı soyğunçuluq, oğurluq, qanunsuz silah saxlama, sübutları məhv etmə, meyiti parçalam, sui-qəsd, ədalətə mane olma, yanğın törətmə, avtonəqliyyat hadisəsi təhlükəsi, avtonəqliyyat vasitəsindən icazəsiz istifadə və başqalarına təhlükə törətmə ittihamları elan olunub.

Adəm