Ginekoloq xəstələri çılpaq halda videoya çəkirmiş

ABŞ-da hərbi ginekoloq Bleyn Makqrou cinsi təcavüzdə və hərbi xəstəxanalarda müayinələr zamanı çılpaq xəstələri gizli şəkildə lentə almaqda ittiham olunur.

Publika.az xəbər verir ki, bu barədə "People" məlumat yayıb.

Bildirilir ki, Makqrou uzun illər hərbi tibb müəssisələrində qadınları, həmçinin hərbçilərin həyat yoldaşlarını müalicə edib. Qadınlar iddia edirlər ki, adi müayinələr zamanı həkim onlardan döşlərinin tamamilə açılmasını tələb edib, tibbi göstəriş olmadan intim nahiyələrinə toxunub və lentə alıb.

Bir xəstənin iddiasına görə, müayinə zamanı Makqrounun telefonla danışırmış kimi davrandığını, kameranı işə saldığını və ginekoloji kresloda olarkən cihazın kamera hissəsini ora yönələltdikdən sonra xalatının döş cibinə soxduğunu görüb.

Zərərçəkmişlərin vəkilləri qeyd ediblər ki, həkimin davranışı ilə bağlı şikayətlər indiki qalmaqaldan xeyli əvvəl edilib, lakin o, ordu həkimi kimi xəstələri yoxlamaqda davam edib. Məhkəmə sənədlərində vurğulanır ki, hərbi komandanlıq xəbərdarlıq əlamətlərinə baxmayaraq, “forma geyinmiş günahkar” iş başında olub.

Rəsmi qeydlərə görə, Bleyn Makqrou 2019-2023-cü illərdə Havaydakı "Tripler Army" Tibb Mərkəzində işləyib. Daha sonra o, Texas ştatının Fort-Xud şəhərinə köçürülüb. 2025-ci ilin oktyabrında həkim vəzifəsindən azad edilib.

İddiaçıların nümayəndələrinin hesablamalarına görə, ginekoloqun hərəkətləri nəticəsində zərər çəkmiş qadınların faktiki sayı təxminən 1500-ə çata bilər.

Adəm