DƏHŞƏT: Sevgilisini ilk görüşdə diri-diri basdırdı

Mərakeş sakini ilk görüş zamanı fransız qadını canlı-canlı torpağa basdırıb.

Publika.az xəbər verir ki, bu barədə "Mirror" məlumat yayıb.

Bildirilib ki, 25 yaşlı Fransa vətəndaşı Mina əl-Huari sosial şəbəkələrdə tanış olduğu və bir neçə həftə yazışdığı kişini görmək üçün Mərakeşə yollanıb. O, həyatının sevgisini tapdığına inanıb və Fəs şəhərində beşulduzlu hotelin iki nəfərlik nömrəsini bron edib. Lakin görüş faciə ilə nəticələnib.

Kişinin sözlərinə görə, söhbət yaxşı gedirmiş, amma bir anda Mina yerə yıxılıb və huşunu itirib. Qızın ürəyinin dayanığını düşünərək panikaya düşüb. Əmin olmadan vəziyyətini yoxlamadan, qızın öldüyünü güman edib və meytindən qurtulmaq qərarına gəlib – onu evinin yaxınlığındakı bağda torpağa basdırıb.

Sonradan məlum olub ki, Mina diaqnoz qoyulmamış şəkər xəstəliyindən əziyyət çəkirmiş və komaya düşüb. O, dayaz qəbirdə yavaş-yavaş boğularaq can verib.

Qız qohumları onunla əlaqə kəsildiyini görüb Mərakeşə uçaraq axtarışa başlayıblar. Daha sonra polis basdırıldığı yeri tapıb və kişini həbs edib. O, etdiklərini etiraf edib.

Hüseyn İbadlı