9 qadını zorlayan Fəttah günahını boynuna aldı: Qurbanları belə aldadıb

Britaniyanın Brayton şəhərində aldadıcı taktikalardan istifadə edərək törədilən təcavüz hadisələri ilə bağlı məhkəmə prosesi başa çatıb. Məlum olub ki, aşpaz Fəttah Derrahi çimərlikdə "duyğu terapiyası" adı altında cəlb etdiyi doqquz qadına təcavüz edib.

Publika.az xarici mətbuata istinadən xəbər verir ki, istintaq Fəttahın 2021-ci ildən 2025-ci ilə qədər Brayton çimərliklərinə idman geyimində baş çəkdiyini, məşq edən tənha qadınları hədəfə aldığını müəyyən edib. O, qadınları "müsbət enerjilərinə" görə tərifləyib və sonra stressi aradan qaldırmaq üçün pulsuz "sensor terapiyası" təklif edib. Qurban razılaşıb müalicə üçün gözləri yumaraq qumun üstünə uzandıqdan sonra Derrahi onlara təcavüz edib.

Təqsirləndirilən şəxs bütün ittihamlar üzrə özünü günahkar bilib. Məhkəmədə çıxış edən detektiv müfəttiş Şeron Ford bu cinayətlərin cəmiyyətdə ciddi narahatlığa səbəb olduğunu bildirib və istintaqa kömək edən hər kəsə təşəkkür edib. O, həmçinin polisin Brayton və Xovda qadın və qızların təhlükəsizliyini təmin etmək səylərinin bir hissəsi olaraq dəniz sahili boyunca profilaktik patrul xidmətinin təşkil olunacağını bildirib.

Fəttah Derrahi ilə bağlı məhkəmənin hökmü 2026-cı ilin fevral ayına təyin edilib. O, həmin vaxta qədər həbsdə qalacaq. Məhkəmə onun günahını etiraf etməsini nəzərə alacaq, lakin cinayətlərinin ağırlığı və ardıcıl xarakterlı olması səbəbindən ağıq cəza gözlənilir.

Adəm