Məşuqunun arvadının iş yerinə basqın etdi - Sabirabadda film kimi olay

Sabirabad rayonunda qadınlar arasında yaşanan mübahisə dava ilə nəticələnib.

Publika.az Teleqraf-a istinadən xəbər verir ki, hadisə rayonun kəndlərindən birində baş verib.

Kənd sakini, 1981-ci il təvəllüdlü Şəmsiyyə Kazımova münasibətdə olduğu kişinin həyat yoldaşı Fəxriyyə Səlimova (ad-soyadlar şərtidir – red.) ilə mübahisə edib. Onların arasında yaşanan mübahisə dava-dalaşla nəticələnib.

Kazımovanın barəsində İnzibati Xətalar Məcəlləsinin 510-su (xırda xuliqanlıq) maddəsi ilə ittiham elan edilib.

İş üzrə izahat verən Kazımova bildirib ki, zərərçəkmiş Fəxriyyənin əri Elmar artıq 7-8 ildir onunla ər-arvad kimi yaşayıb:

“Bizim aramızda kəbinimiz var. Elmar Fəxriyyənin mənə qarşı işlətdiyi ifadələr barədə məlumat verib. Mən də Elmara Fəxriyyənin iş yerində olmasını, gələrək orada məsələni aydınlaşdıracağımı bildirdim. Buna görə də Elmarın çağırışı üzrə Fəxriyyənin iş yerinə getdim. Orada ilk əvvəl Fəxriyyə məni təhqir etdiyi üçün mən də onun ünvanına nalayiq ifadələr işlətdim. Lakin Fəxriyyəmin məni təhqir etməsi ilə bağlı əlimdə sübutu yoxdur”.

İş üzrə zərərçəkmiş Səlimovanın sözlərinə görə, Şəmsiyyə onun ailəsini dağıtmaqla məşğuldur: “Şəmsiyyə mənim iş yerimə hücum edib. Orada məni nalayiq ifadələrlə təhqir edib. Bundan sonra onun barəsində şikayət etdim”.

Sabirabad Rayon Məhkəməsinin qərarı ilə Kazımova 100 manat miqdarında cərimə edilib.