Kriminal

Anası ilə yaşayan kişi 6 yaşlı uşağa işgəncə verdi

17 Dekabr 2025 17:02

Leninqrad vilayətinin Qatçina şəhərində yetkinlik yaşına çatmayan şəxsə qarşı qəddar rəftarla bağlı cinayət işi başlanıb. Rusiya İstintaq Komitəsi 37 yaşlı kişini azyaşlıya qarşı işgəncə xarakterli zorakılıq törətməkdə şübhəli bilir.

Publika.az xəbər verir ki, bu barədə Rusiya mətbuatı məlumat yayıb.

Altı yaşlı uşağın anası ilə birlikdə yaşayan şübhəli şəxs uşağa qəsdən və dəfələrlə fiziki və psixoloji əzablar verib. Zorakılığın əsas üsullarından biri uşağın yapışqan lentlə bağlanması olub.

Hazırda şübhəli şəxs barəsində istintaq tədbirləri davam etdirilir. Yaxın vaxtlarda ona rəsmi ittihamın irəli sürüləcəyi, daha sonra isə məhkəməyə qədər həbs qətimkan tədbirinin seçilməsi üçün vəsatət qaldırılacağı gözlənilir.

Adəm