Kriminal

Körpəsini radiatora bağlayıb vəhşicəsinə döydü - VİDEO

19 Yanvar 2026 17:24

Qazaxıstanın Jetisu bölgəsinin Jarkent şəhərində azyaşlı uşağa qarşı zorakılıq hadisəsi qeydə alınıb.

Publika.az xəbər verir ki, bu barədə "Arasha.kz" məlumat yayıb.

Görüntülərdə təxminən 3-4 yaşlı uşağın radiatora bağlı olduğu görünür. Təxminən 30-35 yaşlarında qadın onu vurur və nalayiq ifadələr işlədir. Mənzildə daha üç uşaq da olub. Hadisə mobil telefonla lentə alınıb.

Hadisənin videosunu paylaşan jurnalist Janar Nurtazinanın sözlərinə görə, görüntüləri ona uşağın atası ötürüb. Səs yazısındakı qadının isə uşağın anası olduğu bildirilir.

Jurnalist görüntüləri müvafiq orqanlara göndərdiyini və Uşaq Hüquqları üzrə Komissar Dinara Zəkiyeva ilə araşdırma aparmaq və uşaqların müdafiəsini təmin etmək xahişi ilə əlaqə saxladığını bildirib.

Adəm