Kriminal

Dərədən meyiti tapılan kişini oğlu öldürüb? - FOTO

26 Yanvar 2026 23:35

Şəmkir rayonunun Zəyəm Cırdaxan kənd sakini, 1970-ci il təvəllüdlü Arif Nəbiyevin dərədən meyiti tapılıb.

Publika.az Teleqraf-a istinadən xəbər verir ki, 56 yaşlı kişinin meyiti yaşadığı evin yaxınlığındakı dərədə aşkarlanıb.

Hadisə yerinə polis və prokurorluq orqanı əməkdaşları cəlb olunub.

Faktla bağlı Şəmkir rayon Prokurorluğunda araşdırma başlanılıb.

Meyiti dərədən tapılan 1970-ci il təvəllüdlü Arif Nəbiyevin ölümünün bəzi təfərrüatı məlum olub. Qətl hadisəsinin A.Nəbiyevin yeniyetmə oğlu tərəfindən törətdiyi ehtimal olunur.

İlkin məlumata görə, A.Nəbiyev ötən ilin iyulunda yaşadığı Zəyəm Cırdaxan kəndinə gəlib və burada yaşamağa başlayıb. Təxminən 4-5 gün öncə onun itkin düşməsi xəbəri yayılıb. Bu gün isə meyiti tapılıb.

56 yaşlı kişinin Rusiyada dünyaya gələn və onunla birlikdə Azərbaycana qayıdan oğlu tərəfindən törədildiyi qeyd olunur.

Yeniyetmənin barəsində axtarış elan olunub.