Kriminal

Qadın yeni doğulan övladını öldürüb çaya atdı

6 Fevral 2026 17:23

Rusiyanın Primorski əyalətinin sakini yeni doğulmuş körpəsini öldürüb və buna görə həbs cəzasına məhkum edilib.

Publika.az xəbər verir ki, bu barədə Primorski məhkəməsinin mətbuat xidməti məlumat yayıb.

Bildirilir ki, 2025-ci ilin avqust ayında balıqçılar Astraxanka çayından plastik torbada körpə cəsədi aşkar ediblər.

Məlum olub ki, 29 yaşlı qadın iyun ayında vannada körpə dünyaya gətirib, daha sonra körpəni boğub və cəsədi plastik torbaya bükərək ərinə onun ölü doğulduğunu deyib.

Qadın ərindən körpənin cəsədini çaya atmasını istəyib. Kişi bunu edib, amma məhkəmədə arvadının hamilə olduğundan və ya körpənin sağ doğulduğundan xəbərsiz olduğunu bildirib.

Məhkəmə qadını Rusiya Cinayət Məcəlləsinin 106-cı maddəsi üzrə iki il müddətinə azadlıqdan məhrum edib.

Adəm