Kriminal

Rusiyada övladlarına qarşı cinsi zorakılıq edən ataya bu cəza verildi

4 Mart 2026 18:08

Rusiyanın Xanti-Mansi muxtar dairəsində məhkəmə azyaşlı övladlarına qarşı ağır cinayətlər törətməkdə təqsirləndirilən şəxs barəsində hökm çıxarıb.

Publika.az xəbər verir ki, bu barədə Rusiya KİV-ləri region məhkəməsinə istinadla məlumat yayıb.

Bildirilir ki, ata uzun illər ərzində oğluna və qızına qarşı cinsi xarakterli zorakı hərəkətlər edib.

İstintaq materiallarına əsasən, zərərçəkmişlərdən biri hadisənin bəzi anlarını sübut kimi qeydə alıb. Həmçinin həmin şəxsin qızına qeyri-etik məzmunlu videolar göndərdiyi də müəyyən edilib.

Təqsirləndirilən şəxs istintaq zamanı günahını etiraf edib.

O, 19 il müddətinə azadlıqdan məhrum edilib. Cəzasını ciddi rejimli cəzaçəkmə müəssisəsində çəkəcək.

Adəm