Gəncədə oğlu tərəfindən öldürülən vəzifəli şəxs imiş - TƏFƏRRÜAT/FOTO

Gəncədə 17 yaşlı oğlu K.Nağıyev tərəfindən qətlə yetirilən 44 yaşlı Elçin Nağıyev Kəlbəcər rayon 71 nömrəli orta məktəbdə idman müəllimi və direktor müavini işləyib.

Publika.az Teleqraf-a istinadən xəbər verir ki, ailə əslən Kəlbəcər rayonundandır.

Elçin Nağıyevin işlədiyi məktəb Daşkəsən rayonunun Quşçu kəndində yerləşir.

Nağıyevlər ailəsi isə Gülüstan qəsəbəsində məskunlaşıb. Hadisə gecə saatlarında baş verib. Mərhum 4 uşaq atasıdır.

***

44 yaşlı atasını ov tüfəngi ilə qətlə yetirməkdə şübhəli bilinən Kənan Nağıyev polis əməkdaşları tərəfindən saxlanılıb.

Publika.az Teleqraf-a istinadən xəbər verir ki, Kənan Nağıyevin 17 yaşı var.

***

Gəncənin Gülüstan qəsəbəsində ağır cinayət hadisəsi baş verib.

Publika.az Teleqraf-a istinadən xəbər verir ki, Daşkəsən rayon sakini olan bir şəxs mübahisə zəminində atası Elçin Nağıyevi güllələyib.

Məlumata görə, hadisə ailədaxili mübahisə zamanı baş verib. Od tüfəngi ilə atəş açılması nəticəsində Elçin Nağıyev hadisə yerində həyatını itirib.

Hadisəni törədən şəxs məktəblidir. Meyid hazırda Məhkəmə Tibbi Ekspetiza və Patalogi Anatomiya Birliyinin Gəncə şəhər Şöbəsinə yerləşdirilib.

Faktla bağlı Gəncə şəhər Prokurorluğunda araşdırma başlanılıb.