Türkiyə Suriya və İraqda əməliyyat keçirəcək - Ərdoğan açıqladı
Bizi izləyin

Digər

Türkiyə Suriya və İraqda əməliyyat keçirəcək - Ərdoğan açıqladı

Türkiyə hava əməliyyatından sonra Suriya və İraqda quru əməliyyatı keçirəcəyini istisna etmir.

Publika.az xəbər verir ki, bunu Türkiyə Prezidenti Rəcəb Tayyib Ərdoğan bildirib.

"Biz özümüzü hava əməliyyatı ilə məhdudlaşdırmaqdan danışmırıq", - deyə "Anadolu" agentliyi ondan sitat gətirir.

Türkiyə Hərbi Hava Qüvvələri terrorçu Kürdüstan Fəhlə Partiyasına (PKK) qarşı hava əməliyyatı zamanı Suriyanın 4 və İraqın bir bölgəsinə zərbələr endirib.

Türkiyə Müdafiə Nazirliyinin məlumatına görə, PKK-nın qərargahı, tunelləri və anbarları məhv edilib.

Əməliyyatın həyata keçirilməsi qərarı İstanbulda mərkəzi küçələrdən birində baş verən partlayış nəticəsində 6 nəfərin öldüyü terror aktından sonra verilib.

Türkiyə Daxili İşlər Nazirliyinin rəhbəri Süleyman Soylu bir müddət əvvəl İstanbulda törədilən terror aktı ilə bağlı təlimatın Suriya Mənbiçindən alındığını bildirib.

Səxavət

Oxumağa davam et
Reklam
Reklam

Gündəm