“İslam dövləti”, “Əl-Nüsrə” cəbhəsi, “Ceyş əl-Yarmux” radikal qruplaşmalarının 3 mindən çox üzvü Bəşər Əsədin hərbi hücumları və Rusiya hərbi hava qüvvələrinin atəşlərindən qorunmaq üçün Suriyadan İordaniyaya qaçıb.
Publika.az xəbər verir ki, bu barədə RİA Novosti məlumat yayıb.
Mənbənin məlumatına görə, Suriya ordusu oktyabrın 4-də Dəməşq yaxınlığında terrorçuların olduqları ərazini bombalayıb. Bombardman nəticəsində 160 silahlının öldürüldüyü xəbər verilir.
Hərbi qüvvələr Palmira və Xüms vilayətlərini artilleriya atəşinə tutublar. Nəticədə İŞİD-in 17 silahlısı öldürülüb. Bundan başqa “Əl-Nüsrə” cəbhəsi, “Kətaib Əl-Fərux”, “Əxrar əş-Şam” cəbhələrinə də zərbələr endirilib.
Qeyd edək ki, daha əvvəl İŞİD-lə mübarizəyə kömək üçün Suriya prezidenti Bəşər Əsəd Moskvadan yardım istəmişdi.
Gülnar Əliyeva
