Dünya

7 erməni öldü, 35-i yaralandı - Rusiyada avtobus qəzası

3 Noyabr 2015 10:27

Rusiyanın Tula şəhərinin yaxınlığında, M4 “Don” magistral yolunda “Moskva-İrəvan” avtobusu qəzaya uğrayıb.

Publika.az “RİA-Novosti” agentliyinə istinadən xəbər verir ki, ilkin məlumata görə, “Hyundai” markalı avtobus idarəetməni itirərək aşıb. Nəticədə 35 nəfər yaralanıb, 7 nəfər ölüb.

Rusiya Fövqəladə Hallar Nazirliyinin regional bölməsindən bildirilib ki, ölən və yaralananların hamısı Ermənistan vətəndaşlarıdır. Avtobusda ümumilikdə 63 sərnişin olub. Yaralılardan 7-nin vəziyyətinin ağır, 10-nun vəziyyətinin isə orta-ağır olduğu bildirilir.

Daxili İşlər Nazirliyinin əməkdaşları qəza ilə bağlı texniki nasazlıq və sürücünün sükan arxasında yuxulaması versiyalarını irəli sürüblər.

Ömər Dağlı