Dünya

Putin əmr verdi: Türkiyə sərhədinə qoşun yeridilir

14 Dekabr 2015 23:30

Rusiya Ermənistan hökumətinin müraciəti əsasında Türkiyə-Ermənistan sərhədinə hərbi birliklərini yerləşdirməyə hazırlaşır.

Publika.az xəbər verir ki, “khabararmani.com” xəbər saytının məlumatına görə, Rusiya prezidenti Vladimir Putin rus hərbi birliklərinin Ermənistana göndərilməsi barədə sərəncam imzalayıb.

Xəbərə görə, birliklərin göndərilməsinə yaxın vaxtlarda başlanılacaq. Xəbər saytı qeyd edir ki, Türkiyə-Ermənistan sərhədinin sıfır nöqtəsinə yerləşdiriləcək 7 minlik qüvvə Rusiyanın 58-ci ordusunun seçmə birliklərindən yaradılacaq.

Sözügedən hərbi birliklər raketlər və tanklarla da təchiz olunacaq.

Qeyd edək ki, Rusiyanın 58-ci ordusunun hissələri 2008-ci il avqustda Rusiya-Gürcüstan müharibəsində həlledici rol oynayıb.

Ömər Dağlı