Dünya

Putinin embarqosuna cavab: 1 milyon rus Türkiyəyə gələcək

26 Dekabr 2015 17:59

1 milyon rusiyalı hər il Türkiyəyə gəlmək məcburiyyətindədir.

Publika.az xəbər verir ki, bu sözləri Rusiyanın Təhsil Mərkəzi və İşbirliyi Dərnəyinin rəhbəri Rimma Rzayeva deyib.

O bildirib ki, türk və rus evliliyindən qurulan 250 min ailə var: “Onların nənələri, babaları, bibiləri, xalaları, dayı və əmiləri var. Ən pis halda hər il 1 milyon Rusiya vətəndaşı yayda yenə Türkiyəyə getməli olacaq”.

Özünün həm Türkiyə, həm də Rusiya vətəndaşı olduğunu deyən R.Rzayeva iki ölkə arasında yaşanan problemlərin qısa zamanda başa çatmasını istədiklərini deyib: “Rusiya ilə Türkiyə arasında dostluq, məhəbbət olmalıdır. Gərginliyin heç bir ölkəyə faydası yoxdur. Türkiyədə ev alan ruslar var. Onlar hələ evlərini satmayıb. Onlar hər il Türkiyəyə gedəcəklər”.

Gülxar