• USD 1,7000 0,00% EUR 1,8828 +0,03%
    • GBP 2,1978 +0,13% RUB 0,0266 0,00%

Sülh danışıqları bərpa olunub

  • Dünya
  • 1 Fevral 2016 03:14
  • 825 Baxış
Sülh danışıqları bərpa olunub

Cenevrədə Suriya ilə bağlı danışıqlar prosesi bərpa olunub. Publika.az xəbər verir ki, danışıqlarda Suriyanın əsas müxalifət qrupunun iştrik edib etmədiyi bəlli deyil.

Ali Danışıq Komitəsinin tələblərinə hökumətin mühasirələrinin aradan qaldırılması və Rusiyanın üsyançılar olan əraziləri bombalamasının qarşısının alınması daxildir.

Qrupun sözçüsü Salim Əl-Müslat deyib ki, Dəməşq hökuməti həbsxanalardakı qadınları və uşaqları buraxmalı, mühasirədə olan ərazilərə yardım çatdırılmasına icazə verməlidir. Ancaq o, danışıqlar üçün ilkin şərt irəli sürmədiklərini də sözlərinə əlavə edib.

BMT-ni danışıqlarda Staffan De Mistura təmsil edir. O, artıq Suriya hökumətinin nümayəndə heyəti ilə də danışıqlar aparıb.

BMT Təhlükəsizlik Şurasının ötən ay qəbul etdiyi qətnamə bütün tərəflərdən tələb edir ki, mühasirədə olan ərazilərə humanitar yardım çatdırılmasına imkan versinlər, qanunsuz saxlanan şəxsləri buraxsınlar, dinc əhalinin yaşadığı yerlərə hücumları dayandırsınlar.

Xəbər lenti

DAHA ÇOX XƏBƏR