Dünya

Ankaranın mərkəzində PARTLAYIŞ: 34 ölü, 125 yaralı - VİDEO/FOTO (YENİLƏNİB)

14 Mart 2016 01:05

Türkiyənin paytaxtı Ankarada daha bir partlayış baş verib.

Publika.az Türkiyə mətbuatına istinadən xəbər verir ki, hadisə Kızılay meydanında baş verib. İlkin məlumatlara görə, xeyli sayda ölü və yaralı var.

***

Partlayışın metro çıxışına yaxın bir yerdə baş verdiyi və bir neçə avtomobilin yandığı bildirilir. Hələlik partlayışın səbəbi barədə açıqlama verilməyib. İlkin ehtimala görə, partlayış avtomobillərdən birində olub. Hadisə tıxac zamanı baş verib. Bir neçə avtomobil tamamilə yararsız vəziyyətə düşüb. Hadisə yerinə çoxlu təcili yardım maşını göndərilib. Ölülərin sayı açıqlanmasa da, yaralıların çox olduğu bildirilir.

***

Hadisə yerində içində partlayıcı olan daha bir avtomobilin olduğu ehtimal edilir. Ona görə də insanlar ərazidən uzaqlaşdırılaraq təhlükəsizlik tədbirləri görülür.

***

Şahidlərin DHA-ya verdikləri məlumata görə, hadisə zamanı 10 nəfər həlak olub.

***

Ankara valiliyindən verilən son məlumata görə, biri polis olmaqla 27 nəfər həlak olub, 75 yaralı var.

***

"Reuters"in yaydığı məlumata görə, Ankarada baş verən güclü partlayış nəticəsində ölənlərin sayı 32-yə çatıb, daha 75 nəfər yaralanıb.

***

Türkiyənin Səhiyyə naziri Məhmət Müəzzinoğlu terakt nəticəsində 34 nəfərin həlak olduğunu, 125 nəfərin isə yaralandığını açıqlayıb.

Nazirin sözlərinə görə, 19 nəfərin vəziyyəti çox ağırdır. 7 nəfər hazırda əməliyyat olunur.