Dünya

Böyük Britaniyada sonuncu tütün fabriki bağlanıb

22 May 2016 03:16

Böyük Britaniyada sonuncu tütün fabriki bağlanıb.

Nottingem qraflığında yerləşən “Horizon” fabriki bu barədə qərarı 2 il əvvəl verib. Bu qərar nəticəsində 500-ə yaxın insan öz işini itirəcək. İşçi heyətinin əksəriyyəti gələn həftə fabriki tərk edəcək və müəssisə fəaliyyətini dayandıracaq.

Qeyd edək ki, “Horizon” fabriki “İmperial Tobacco” şirkətinə məxsus fabrikdir və 1972-ci ildən fəaliyyət göstərir. Fabrik fəaliyyəti ərzində ildə maksimum 52 milyard siqaret istehsal edib və işçilərinin sayı 7 minə yaxın olub.

“İmperial Tobacco” şirkəti ucuz işçi qüvvəsi olan ölkələrdə fəaliyyət göstərməyə başlayıb. Bu ölkələrin sırasında İraq, Suriya, Çin, Rusiya və Polşa var. Həmçinin şirkətin nümayəndəsi bildirib ki, Almaniya və Polşada istehsala başlamaq mənfəəti 320 milyon funt sterlinq artıracaq.