Dünya
“ABŞ gəmiləri bir yaylım atəşi ilə batırıla bilər” - Xəbərdarlıq
ABŞ Hərbi-Dəniz Qüvvələrinə məxsus USS Taylor freqatı Qara dənizə daxil olub.
Publika.Az – ın xarici mətbuata istinadən verdiyi məlumata görə, bu barədə ABŞ Hərbi-Dəniz Qüvvələrinin informasiya xidməti bildirib.
Mediaya açıqlanan məlumata görə, hərbi gəminin missiyası “regionda sülh və sabitliyin saxlanılmasından” ibarətdir.
Qeyd edək ki, Rusiya Ankaranı Montrö Konvensiyasını pozmaqda ittiham edən bir neçə nota verib. Bu notalarda bildirilir ki, NATO ölkələrinə məxsus gəmilər Qara dəniz sularında bu konvensiyada göstərilən müddətdən çox qalmaqla beynəlxalq qanunları pozublar. USS Taylor freqatı bundan əvvəl də Qara dənizdə olmuş və buranı gecikmə ilə tərk etmişdi. Rusiya tərəfinin notasında deyilirdi ki, ABŞ-a məxsus USS Taylor freqatı Qara dənizdə icazəli müddətdən 11 gün çox qalıb və Ankara bu barədə Moskvanı xəbərdar etməyib.
Rusiyanın Xarici İşlər naziri Sergei Lavrov Türkiyəni ittiham etmişdi ki, Ankara Qara dənizdə 21 gündən artıq qalaraq konvensiyanı pozan ABŞ hərbi gəmilərinə göz yumur.
1936-cı ildə imzalanmış və Türkiyəyə Bosfor və Dardanel boğazları üzərində tam nəzarət hüququ verən Montrö Konvensiyası Qara dənizdə sahilləri olmayan ölkələrin hərbi gəmiləri üçün xüsusi rejim nəzərdə tutur.
Konvensiyaya görə, sahilyanı olmayan ölkələrin hərbi gəmiləri Qara dənizdə 21 gün müddətindən çox qala bilməz.
Donanmaya Dəstək Ümumrusiya Hərəkatının sədri Mixail Nenaşev hesab edir ki, ABŞ Rusiyanın əsəbləri ilə oynayır. Onun fikrincə, Vaşinqtonun məqsədi Polşadakı antirust qüvvələrə, eyni zamanda Rumıniya və Ukraynaya dəstəyini nümayiş etdirməkdir. O, Rusiyanın Qara dəniz donanmasının istənilən müdaxiləni dəf etmək gücündə olduğunu deyib.
“Regionda hadisələr qorxunc ssenari üzrə inkişaf edərsə, ABŞ-ın bu gəmiləri sadəcə bir yaylım atəşi ilə batırıla bilər. Onlara nə “Tomaqavk”, nə də nə də başqa raket kömək etməyəcək”, - M.Nenaşev qeyd edib.
Onun sözlərinə görə, ən vacib sual ABŞ gəmilərinin öz sahillərindən beş min mil uzaqlıqda nə etməsidir: “Çox maraqlıdır, Rusiya hərbi gəmiləri Meksika körfəzinə hərbi təlimlər keçirərsə və raketdən müdafiə sistemi qurarsa, ABŞ-ın reaksiyası necə olacaq?”
Ömər Dağlı
-
Magazin202:00
Məşhur reper öpüşmə səhnəsinə görə sevgilisini tərk etdi
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi