Dünya

Putin əraziləri qaytarmaqdan İMTİNA ETDİ - SƏBƏB

13 Dekabr 2016 14:00

Putin əraziləri qaytarmaqdan imtina etdi

“Moskvanın Tokio ilə ərazi problemi yoxdur”.

Publika.az “RİA-Novosti” agentliyinə istinadən xəbər verir ki, bunu Rusiya prezidenti Vladimir Putin Yaponiyaya səfər öncəsi bu ölkənin “Nippon” televiziya şirkəti və “İomiuri” qəzetinə müsahibəsində deyib.

“Yaponiya hesab edir ki, onun Rusiya ilə ərazi problemləri var. Biz bu məsələdə danışmağa hazırıq. Yaponiyanın baş naziri Sindzo Abe dörd ada haqqında məsələni qoyur. Deməli, biz artıq 1956-cı il razılaşmasının çərçivələrindən çıxırıq. Bu, tamamilə başqa vəziyyətdir və başqa məsələnin qoyuluşudur”, - deyə Putin bildirb.

Daha əvvəl Vladimir Putin bildirib ki, Rusiya və Yaponiya arasında sülh müqaviləsinin imzalanması üçün vacib şərtlər etibarın yüksək səviyyəsi və uduzan tərəfin olmamasıdır. Rusiya lideri qeyd edib ki, tərəflərdən hər biri Kuril adaları problemə öz milli maraqları prizmasından baxır.

Ömər Dağlı