Dünya
Rusiyada istefalar başlandı: “üsyankar”lar sıradan çıxarılır?
Rusiyada yaxın günlərdə beş qubernatorun istefası reallaşa bilər.
Publika.az xəbər verir ki, bu haqda Kremlə yaxın mənbəyə istinadən “Vedomosti” qəzeti yazıb.
“Kremlin daxili siyasət bloku prezident seçkiləri ərəfəsində problemli regionlarda siyasi vəziyyətin yaxşılaşdırılması üçün sentyabr seçkilərindən istifadə etməyə ümid edir. İlk addım, gözlənildiyi kimi, yaxın günlərdə beş qubernatorun istefası haqqında elan olacaq”, - deyə nəşr qeyd edib.
Qəzetin həmsöhbətlərinin sözlərinə görə, bu qərar ötən həftə müzakirə edilib.
“Diqqət altında Kareliya, Ryazan, Sverdlovsk, Novqorod və İvanovski vilayətləri, həmçinin Perm diyarı və Buryatiya Respublikasıdır: vəziyyət bu regionlarda çətin və ən sürətli qərarların qəbul olunmasını tələb edir”, - Kremlə yaxın başqa həmsöhbət əlavə edib.
Mənbənin sözlərinə görə, əvəzetmələr hər yerdə gözlənilmir.
“İnterfaks” nəşrinin yazdığına görə, ilk istefa artıq reallaşıb. Perm diyarının qubernatoru Viktor Basarqin istefasını elan edib.
“Mənim vəkalət müddətim mayda başa çatır. Səlahiyyətlərin vaxtından dayandırılması haqqında prezidentə müraciət etməyi lazım hesab edirəm. Sentyabra qədər bir az vaxt qalıb. Qubernator vəzifəsinə prezident tərəfindən irəli sürülmüş namizəd Perm diyarının şərtlərinə uyğunlaşmalı, sakinlərlə, regionun siyasi və ictimai hərəkatları ilə qarşılıqlı münasibət qurmalıdır”, - deyə o, jurnalistlərə bildirib.
Basarqin 2012-ci ilin mayından Perm diyarının qubernatoru vəzifəsini tuturdu.
Qeyd edək ki, 2017-ci il sentyabrın 10-da Rusiyada qubernator seçkiləri və Rusiya Dövlət Dumasına birmandatlı dairələr üzrə seçkilər keçiriləcək.
2016-cı ilin noyabrında Kremldəki mənbələrə istinadən RBK agentliyi yazıb ki, Rusiyanın daxili siyasətinə nəzarət edən prezident administrasiyasının başçısının birinci müavini Sergey Kiriyenko 2018-ci il prezident seçkisinə kimi bir neçə məsələni həll etməlidir.
Xüsusi halda, qubernatorları “sındırmadan” regionlarla daha yumşaq münasibətlərin qurulması ehtiyacından söhbət gedir. “Kremldə ehtiyat edirlər ki, iqtisadi böhran şəraitində separatizm baş qaldıra bilər”, - RBK-nin həmsöhbətlərindən biri deyib. Məlumata görə, Kiriyenko seçkilərlə əlaqədar ekspertlərlə görüşlər seriyasını keçirir. O, noyabrın 1-də siyasi texnoloqlarla görüşüb. Görüşdə siyasi sistemin sabitliyi haqqında müzakirələr aparılıb.
Ömər Dağlı
-
Rəsmi xronika17:30
İlham Əliyev Laçında sakinlərlə görüşdü
-
Qarabağ 17:10
Vardanyanın Bakıda “yazdığı” məktub həbsxanadan necə çıxıb?
-
Qoroskop16:42
40 yaşından sonra həyatları dəyişəcək bürclər: Pul, ev, karyera...
-
Rəsmi xronika16:00
İlham Əliyev və xanımı Şuşada açılışda iştirak etdilər
-
Sosial15:20
Əməkhaqqı ilə bağlı mühüm dəyişiklik - İyulun 1-dək...
-
Rəsmi xronika14:41
Prezident və birinci xanım Şuşada
-
Dünya14:12
Cəlal Şəngördən şok iddia: Türkiyə bu ölkə ilə birləşəcək
-
Dünya13:52
20 ildən sonra ilk dəfə xəbərdarlıq edildi - Bu gün başlayır, çox təhlükəlidir...