"Kiçik qələbəli müharibə" - Tramp möhkəmlənmək üçün savaşa başlayacaqmı?

Suriyadakı kimyəvi hücum Rusiyanın Qərblə münasibətlərinə təsir göstərəcək.

Publika.az xəbər verir ki, ABŞ prezidenti Donald Tramp getdikcə reytinqini itirir. Daxili siyasi gedişlərin dəyərdən düşdüyü vaxtda Trampın keçmiş müşaviri Maykl Flinn diqqəti Kreml üzərinə çəkir.

ABŞ Rusiya məsləsində günahsızlığını sübut edərsə, həm reytinqini qaldıracaq, həm də Suriya və İranla müharibədə daha güclü olacaq.

Bu ssenari Şərqi Avropa ölkələrini, xüsusilə Ukraynanın Prezidenti Poroşenkonu narahat edir. Bir neçə həftə əvvələ qədər ABŞ və Rusiya arasındakı münasibətlərin Ukrayna üzərindən həlli müzakirə olunurdu.

ABŞ prezidenti həqiqətən Suriyaya qoşun yeridə bilər. Lakin İran və Rusiya üçün Suriyada yeni münaqişələrə başlaması gözlənilməz olacq. Ağ evin yeni rəhbəri yaxşı başa düşür ki Klinton və tərəfdarları, eləcə də, demokratlar onun bu addımını dəstəkləmir. Bu addım Trampın nüfuzuna ağır zərbə vura bilər. Daxili təzyiqlərə baxmayaraq, Tramp öz siyasətini axıra qədər aparacaq. Suriyada kiçik qələbəli savaşla reytinqini qaldırmağa cəhd edəcək.

Könül Cəfərli