ABŞ-ın MƏXFİ SURİYA PLANI: ölkə parçalanır, Türkiyə və Rusiya... - XƏRİTƏ

Türkiyənin “Aydınlıq” qəzeti ABŞ-ın müharibədən sonra Suriyanın bölünməsi üçün hazırladığı xəritəni yayıb.

Publika.az xəbər verir ki, Şamda qəzetə danışan rusiyalı mənbə ABŞ-ın Suriyanın bölünməsi planının olduğunu açıqlayıb.

Bu plana görə, Suriya İraq kimi bütöv dövlət olacaq, lakin reallıqda hissələrə bölünəcək.

Xəritə

Suriyanın şərqi ABŞ-ın nəzarətində olan PYD-yə (PKK-nın Suriya qolu), qərb bölgəsi və sahil xətti Rusiyanın nəzarətindəki Suriya hökumətinə, “Fərat qalxanı” əməliyyatının keçirildiyi ərazilər Türkiyənin nəzarətinə, cənub hissəsi isə ABŞ, İsrail və İordaniyanın dəstəklədiyi silahlı qruplara veriləcək.

ABŞ: Rakka, Haseke və Deyr Zor bölgəsi
Rusiya: şimal-cənub istiqamətində Hələb və Şam
Türkiyə: Əl-Bab və ətraf bölgələr

Münbiç Türkiyənin nəzarətindəki bölgə ilə PYD kantonları arasında xüsusi statusa malik olan ərazi olacaq. İordaniya sərhədindən Şamın şərqindəki Kalamun dağlarına qədər olan ərazi isə ABŞ, İsrail və İordaniyanın İŞİD-ə qarşı hücum və müdaxilə sahəsi olacaq.

Hədəf

“Aydınlıq” ABŞ-ın niyə Suriyanın şərq ərazisini istədiyini də açıqlayıb.

“Vaşinqtonun gözünü dikdiyi bölgə iqtisadi və coğrafi baxımdan Aralıq dənizindən İrana qədər olan bölgənin əsas mərkəzini tələb edir. ABŞ-ın Rakka, Haseke və Deyr-Zor bölgəsinə nəzarət etməklə üç hədəfi var: İran və Livan arasında hərbi və siyasi dəhlizi kəsmək, Suriyanın zəngin neft yataqlarını və əkin sahələrini ələ keçirmək, Türkiyə ilə ərəb dünyası arasındakı bağlantını PYD kantonları ilə aradan qaldırmaq”, - deyə qəzet vurğulayıb.

Rusiyalı mənbə ABŞ-ın xəritəsinin Moskvada araşdırıldığını deyib.

Asif