Dünya

İsrail əsgərləri Trampın səfər edəcəyi ərazidə fələstinli gənci güllələdilər

23 May 2017 11:03

Hadisədən sonra İsrail qüvvələri hər iki istiqamətdən nəzarət nöqtəsinə nəqliyyatın giriş-çıxışını bağlayıb.

ABŞ prezidenti Donald Trampın Fələstinə səfəri ərəfəsində İsrail əsgərləri ilə fələstinlilər arasında atışma olub.

Publika.az xəbər verir ki, İsraildə səfərdə olan Trampın bu gün Beytullahim şəhərində Fələstinin dövlət başçısı Mahmud Abbasla görüşü gözlənilir.

Bir neçə saat öncə Beytullahimdə İsrail əsgərləri fələstinli bir gənci güllələyiblər. Hadisədən sonra İsrail qüvvələri hər iki istiqamətdən nəzarət nöqtəsinə nəqliyyatın giriş-çıxışını bağlayıb.

Fəth Hərəkatı bu səfəri "tarixi və vacib" məqam hesab edir. Fələstin mətbuatı bu görüşü iki dövlət arasındakı münasibətlərin yaxşılaşması və sülh təşəbbüsündə mühüm addımların atılacağı an kimi dəyərləndirir.

Könül Cəfərli