Dünya

Bu bölgədə koronavirusa yoluxan bütün xəstələr sağaldı, yoluxma dayandı - FOTO

9 Aprel 2020 16:05

Atlantik okeanının şimalında Danimarkanın muxtar vilayəti olan Qrenlandiya adasında koronavirusa yoluxan bütün xəstələr sağalıb.

Publika.az xəbər verir ki, bu barədə adanın səlahiyyətli şəxsləri məlumat yayıb.

Bildirilib ki, 80 min insanın yaşadığı bölgədə sadəcə 770 nəfər test edilib və infeksiyaya yoluxan 11 nəfər aşkarlanıb. Onların hamısı müalicə edilib və sağalıb. Son 4 gündə infeksiyaya yeni yoluxma faktı aşkarlanmayıb.

Adanın tibbi baxımdan ən vəzifəli şəxsi olan Henrik Hansen bölgədə tətbiq olunan qadağaların tədbirli olmaq baxımından qüvvədə qalacağını bildirib.

Qeyd edək ki, bölgədəki qadağalar çərçivəsində 10-dan çox insanın bir məkanda toplaşmasına, Danimarka vətəndaşı olmayanların bölgəyə girişinə icazə verilmir. Ailədaxili münaqişələrin azaldılması ümidi ilə bəzi yerlərdə spirtli içkilərin satışı dayandırılıb. İctimai nəqliyyatın hərəkəti məhdudlaşdırılıb.

Zümrüd