Dünya

ABŞ Rusiyaya qarşı sərt addım atacaq - Açıqlandı

3 Fevral 2022 10:45

ABŞ Senatının Beynəlxalq Komitəsi Ukrayna ətrafındakı vəziyyətlə əlaqədar Rusiyaya qarşı sanksiyalara dair qanun layihəsi üzrə partiyalararası razılaşmaya hazırlaşır.

Publika.az">Publika.az xəbər verir ki, bu barədə amerikalı senator Janna Şahin bildirib.

Hakim Demokratlar və müxalif Respublikaçılar partiyalarının bir çox qanunvericiləri Ukrayna ətrafında yaranmış vəziyyətə görə anti-Rusiya sanksiyalarının bir hissəsini əvvəlcədən tətbiq etmək istəyini ifadə ediblər.

“Biz xarici əlaqələr komitəsinin sədri ilə yüksək rütbəli respublikaçı arasında qabaqlayıcı sanksiyaları nəzərdə tutan qanun layihəsi ilə bağlı razılığa gəlməyə çox yaxınıq”, - deyə J.Şahin qeyd edib.

Komitə həmçinin, Rusiya iqtisadiyyatının əsas sektorlarına, dövlət borcuna və ölkə rəhbərliyinə qarşı tədbirləri özündə əks etdirən və Ukrayna ətrafında vəziyyətin pisləşəcəyi təqdirdə tətbiq edilməsi nəzərdə tutulan bütün sanksiyaların əsas layihəsi üzərində işləyir.