Rusiyanın S-400 kompleksləri döyüş növbəsinə keçdi

Rusiyanın S-400 zenit sistemləri Birlik Dövlətinin reaksiya qüvvələrinin təftişi zamanı Brest qalasındakı poliqonda döyüş növbətçiliyinə başlayı.

Publika.az">Publika.az "RİA Novosti"yə istinadla xəbər verir ki, bu barədə Rusiya Müdafiə Nazirliyinin açıqlamasında bildirilir.

“Şərq Hərbi Dairəsinin (VVO) S-400 zenit-raket kompleksinin döyüş ekipajları təlim poliqonunda Belarus Respublikası və Rusiya Federasiyasının Vahid Regional Hava Hücumundan Müdafiə Sisteminin tərkibində hava hücumundan müdafiə üzrə döyüş növbətçiliyinə keçiblər, - məlumatda deyilir.

Müdafiə Nazirliyindən verilən məlumata görə, şəxsi heyət hərbi texnikanın mövqelərə yerləşdirilməsini hazırlayıb və müəyyən edilmiş məsuliyyət zonasında hava məkanına nəzarət üzrə tapşırıqların icrasına başlayıb. Bundan əvvəl Hava Hücumundan Müdafiə Qoşunlarının hava hücumundan müdafiə bölmələrinin şəxsi heyəti Xabarovsk diyarındakı dislokasiya məntəqəsindən 9000 km-dən çox uzunluqda birləşmiş şəkildə yürüş keçirib.

Rusiya zenit-raket diviziyasının ekipajları həmçinin mühəndislik avadanlığı, buraxılış mövqelərinin kamuflyajı, komanda məntəqələri və texnikaya texniki qulluq göstərib.