Pentaqon Ukraynaya əlavə 450 milyon dollarlıq yardım paketi ayıracaq
Bizi izləyin
Kanon

Dünya

Pentaqon Ukraynaya əlavə 450 milyon dollarlıq yardım paketi ayıracaq

ABŞ prezidenti Co Baydenin administrasiyası Ukraynaya 450 milyon dollarlıq əlavə hərbi yardım paketi verməyi planlaşdırır.

Publika.az xəbər verir ki, bunu brifinqdə ABŞ-ın müdafiə naziri Con Kirbi deyib.

“ABŞ Ukraynaya Rusiyanın əsassız təcavüzündən öz demokratiyasını müdafiə etmək öhdəliyimizin bir hissəsi kimi əlavə 450 milyon dollarlıq hərbi yardım elan edir”, – Kirbi bildirib.

O, deyib ki, Ukraynaya ayrılan əlavə yardım paketinə silah-sursat, o cümlədən HIMARS yüksək mobil artilleriya raket kompleksləri, artilleriya üçün döyüş sursatları, patrul gəmiləri və s. daxildir.

Qeyd edək ki, iyunun 15-də ABŞ prezidenti Co Bayden Ukraynaya 1 milyard dollarlıq yeni hərbi yardım paketinin ayrıldığını açıqlamışdı. Paketə pilotsuz təyyarələr, çoxsaylı reaktiv yaylım atəşi sistemləri, gəmi əleyhinə raketlər və sursatlar daxildir.

Teqlər
Oxumağa davam et
Reklam
Reklam

Gündəm

Kanon