80 il əvvəl basdırılmış xəzinənin xəritəsi tapıldı
Bizi izləyin

Dünya

80 il əvvəl basdırılmış xəzinənin xəritəsi tapıldı

Hollandiya Milli Arxivinin paylaşdığı xəritə bu yaxınlarda ölkəni həyəcanlandırıb. Təxminən 80 il əvvəl faşist əsgərləri tərəfindən basdırılmış dörd qiymətli sandığın yerini göstərən xəritəni görən hər kəs həmin əraziyə qaçıb.

Publika.az xəbər verir ki, Hollandiyanın faşist işğalından azad edilməsinə cəmi bir neçə gün qalmış, alman ordusunun beş əsgəri kəndin kənarındakı meşəlik ərazidə qızıl, qiymətli daşlar və saatlar olan dörd döyüş sursatı sandığı basdırıblar.

Əsgərlər sözün əsl mənasında bu qiymətli parçaları küçədən taıblar. Lakin qəniməti basdırarkən əsgərlərin bilmədiyi vacib bir şey var idi. Alman ordusunun əsgəri Helmut Sonder onlara çox yaxın idi.

Yaralandığı üçün kolun dibində hərəkətsiz uzanan Sonder, onların qənimətləri hara basdırdıqlarını görüb. Daha sonra çəkdiyi çox detallı xəritə ilə gördüklərini əbədiləşdirib.

Sonderin bundan sonra başına nə iş gəldiyi məlum deyil. Lakin onun çəkdiyi xəritə hazırda Haaqadakı Hollandiya Milli Arxivində saxlanılır.

Qurumun yanvarın əvvəlində hər il təşkil etdiyi “təbliğ günü” çərçivəsində məxfilik müddəti bitmiş minlərlə sənəd ictimaiyyətlə paylaşılıb. Sonderin xəritəsi də həmin sənədlər arasında olub.

Əsgərlərin sandıqları basdırdığı güman edilən meşəlik ərazi hazırda 751 əhalisi olan Ommeren kəndinin sərhədləri daxilindədir. Xəritə Hollandiya mətbuatının gündəminə çevriləndə bütün gözlər bu kiçik kəndə çevrilib.

Aydan

Oxumağa davam et
Reklam
Reklam

Gündəm