Blinkenin bu ölkəyə səfəri son anda təxirə salındı - Qarşıdurma

Co Bayden administrasiyası ABŞ-ın qərbindəki "həssas" hədəflər üzərində uçan Çin hava şarının görünməsinə sərt reaksiya verdiyi üçün ABŞ dövlət katibi Entoni Blinken Çinə həftəsonu diplomatik səfərini təxirə salıb.

Publika.az xəbər verir ki, bu barədə “CBC News” diplomatik mənbələrə istinadla məlumat yayıb.

Qərar, Çinin hava şarının kursdan çıxmış hava peyki olduğunu iddia etməsinə baxmayaraq verilib. ABŞ onu kəşfiyyat peyki kimi təsvir edib.

Səfərin, Blinkenin Vaşinqtondan Pekinə uçmasından bir neçə saat əvvəl ləğv edilməsi ABŞ-Çin münasibətlərində gərginliyi artırıb. Cümə günü səhər saatlarında Blinken çinli həmkarı Vanq Yiyə səfərin təxirə salındığını bildirib, eyni zamanda gələcəkdə ölkəyə səfər etmək niyyətində olduğunu qeyd edib.

Kanalın mənbəsinə görə, cümə səhəri hava şarı artıq Montana üzərində yox, Orta Qərbə doğru hərəkət edib. Telekanal qeyd edir ki, eyni zamanda günəş panelləri ilə işlədiyi üçün onun yanacağı tükənməyəcək.

Pentaqon hələ də onu "satmaq" yollarını nəzərdən keçirir, lakin onun yerə dəyəcəyi təqdirdə vura biləcəyi zərərlə bağlı "ciddi narahatlıqları" var. Hava şarının görünməsi ABŞ hava məkanının pozulması kimi qiymətləndirilir.


Blinkenin Çinə səfəri bazar günü başlamalı və bazar ertəsinə qədər davam etməli idi. Amerika mətbuatının bir qədər əvvəl qeyd etdiyi kimi, ABŞ dövlət katibinin Pekinə səfəri zamanı Çin sədri Si Cinpinlə də görüş keçirilməli idi.

Ayşən