Dünya

Baydenin Polşaya səfərinin detalları bəlli oldu

13 Fevral 2023 17:33

ABŞ prezidenti Co Bayden Avropa İttifaqının (Aİ) Rusiyaya qarşı mövqeyini sərtləşdirmək üçün Polşaya səfər etmək qərarına gəlib.

Publika.az xəbər verir ki, Amerika liderinin səfərinin məqsədini Çinin “Global Times”(GT) nəşri açıqlayıb.

Ağ Ev əvvəllər qeyd edib ki, səfər zamanı ABŞ rəhbəri Polşa hakimiyyəti ilə ikitərəfli əməkdaşlığı, NATO-nun çəkindirmə imkanlarının gücləndirilməsini, eləcə də Ukraynaya dəstək üçün birgə səyləri müzakirə etməyi planlaşdırır.

Şərqi Çin Normal Universitetinin Rusiya Araşdırmaları Mərkəzinin kiçik elmi işçisi Cui Heng GT-yə bildirib ki, səfərin əsas məqsədi Baydenin gələn il prezidentliyə seçilməsinə başlamaq olacaq.

“Bundan əlavə, o (Bayden) Avropada sülh üçün praqmatik səsləri boğmaq və münaqişənin deeskalasiyasını həyata keçirməkdən uzaqlaşdıran daha da sərt şahin mövqe ilə Rusiyanı birgə hədəf almaları üçün Avropa liderlərinə daha çox təzyiq göstərmək istəyir”.

Aydan