Çoxuşaqlı ailələrə müjdə - Yeni imtiyaz veriləcək

Rusiyada çoxuşaqlı ailələrın torpaq vergisi azaldılacaq.

Publika.az "Lenta.ru"ya istinadən xəbər verir ki, Rusiya Dövlət Dumasının Təhsil Komitəsinin sədr müavini Yana Lantratova çoxuşaqlı ailələr üçün yeni bir imtiyaz tətbiq etməyi təklif edib.

Deputat müraciətində bildirib ki, hazırda üç və daha çox azyaşlı uşağı olan ruslar torpaqlarının 600 kvadratmetri üçün vergi ödəmirlər, lakin dövlət onlara 15 sot pulsuz torpaq verir. Buna görə də Lantratova çoxuşaqlı ailələrə 15 sotun hamısında vergi ödəməmək imkanının verilməsini məqsədəuyğun hesab edib.

Deputat həmçinin vergi endirimi ala biləcək yaşayış sahəsinin artırılmasını zəruri hesab edib. Hazırda bir ailə mənzilə və ya otağa görə vergi ödəyirsə, beş kvadratmetrlik kadastr dəyəri məbləğində tutulma təmin edilir. Lantratova hər azyaşlı uşaq üçün normadan 18 kvadratmetrin çıxarılmasını təklif edib.

Qeyd edək ki, əvvəllər Rusiyada imtiyazlı kateqoriyalı vətəndaşlara torpaq sahələri əvəzinə pul kompensasiyası verilməsi təklif edilirdi.

Mehti Kamiloğlu