Varşavada hava limanı bu səbəbdən boşaldıldı
Bizi izləyin
Aptekonline

Dünya

Varşavada hava limanı bu səbəbdən boşaldıldı

Polşanın paytaxtı Varşavada Şopen adına hava limanı Cənubi Afrika Respublikası vətəndaşının qaçaqmalçılıq yolu ilə keçirməyə cəhd etdiyi qumbara səbəbindən boşaldılıb.

Publika.az xarici KİV-ə istinadən xəbər verir ki, bu haqda Polşa sərhəd mühafizəsinin mətbuat katibi Anna Mixalskaya bildirib.

Onun sözlərinə görə, hava limanında sərhədçilər Dubaya uçmaq istəyən Cənubi Afrika vətəndaşını saxlayıblar. Hava limanının təhlükəsizlik işçisi yoxlama zamanı onun əl yükündən dörd patron aşkar edib.

“Bunun əsasında yoxlanılan baqajda yoxlama aparılıb. Zabitlərimiz oradan qumbaraya oxşayan əşya aşkar ediblər. Bütün əşyalar pirotexniklər tərəfindən götürülüb”, - Mixalskaya bildirib.

Sərhədçinin nümayəndəsi əlavə edib ki, qumbaranın aşkarlanmasından sonra hava limanından 400 nəfər təxliyə edilib. Həmin şəxs saxlanılıb, tezliklə prokurorluğa aparılacaq.

Oxumağa davam et
Reklam
Reklam

Gündəm

Aptekonline