Ukrayna əks-hücumda parlaq irəliləyiş əldə edib

Ukrayna əlamətdar irəliləyiş əldə edib.

Publika.az "CNN Türk" kanalına istinadən xəbər verir ki, ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi Ukrayna ordusunun əks-hücumu ilə bağlı parlaq açıqlama verib.

Kirbi vurğulayıb ki, Ukrayna qüvvələri ölkənin cənubundakı möhkəmləndirilmiş Rusiya mövqelərinə qarşı hücumda xeyli irəliləyiş əldə edib. “Ukrayna Rusiyanın ikinci müdafiə xəttinə qarşı mübarizədə müəyyən uğur qazanıb", - o bildirib.

Qeyd edək ki, Ukraynanın xarici işlər naziri Dmitri Kuleba Ukraynanın əks-hücumlarını tənqid edənlərə səslənərək, "Bütün tənqidçilərə susmağı, Ukraynaya gəlməyi və torpaqlarımızın bir qarışını azad etməyə çalışmaqlarını tövsiyə edirəm” deyib.

Mehti Kamiloğlu