Dünya

Qərb liderləri səbirsizliklə gözləyir: Ərdoğan G20 sammitində nə təqdim edəcək?

8 Sentyabr 2023 10:05

Ərdoğan G20 sammitində Putinlə danışıqların nəticələrini açıqlayacaq.

Publika.az "RİA Novosti"yə istinadən xəbər verir ki, Türkiyə prezidenti Rəcəb Tayyib Ərdoğan Hindistanda keçirilən G20-nin 18-ci sammiti çərçivəsində Soçidə Rusiya prezidenti Vladimir Putinlə apardığı danışıqların nəticələrini Qərb liderlərinə təqdim edəcək.

Xatırladaq ki, Türkiyə və Rusiya prezidentləri sentyabrın 4-də Soçidə görüşüblər. İki ölkə liderləri “taxıl müqaviləsi” ətrafında vəziyyəti və digər məsələləri müzakirə ediblər.

“Sammit çərçivəsində Ərdoğan G20 ölkələrinin dövlət və hökumət başçıları ilə də danışıqlar aparacaq, əsas diqqət Türkiyə və BMT-nin Qara Dəniz Taxıl Təşəbbüsünün işininin bərpasına yönələcək. Cənab prezident Rusiya tərəfinin Ukraynadakı münaqişənin həlli və Qara dəniz taxıl təşəbbüsünün işinin bərpası ilə bağlı təklifləri barədə məlumat verəcək”, - məlumatda bildirilir.

Mehti Kamiloğlu