Dünya iqtisadiyyatı üç bloka bölündü: Hansı qalib gələcək?

Qlobal iqtisadiyyat geosiyasi fərqliliklərin təsiri altında üç bloka, o cümlədən ABŞ, Çin və əlaqəli olmayan dövlətlərə güvənən ölkələrə bölünüb.

Publika.az xəbər verir ki, bu barədə Beynəlxalq Valyuta Fondu (BVF) bildirib.

Fondun geosiyasətin qlobal ticarətə təsiri haqqında dərc olunmuş hesabatında deyilir: “Biz üç bloka bölünmüş dünyaya baxırıq: biri ABŞ-a əsaslanan, biri Çinə əsaslanan və bir-biri ilə əlaqəsi olmayan ölkələr bloku”.

BVF-nin hesablamalarına görə, dünya iqtisadiyyatının ayrı-ayrı qruplara bölünməsi tendensiyası mallar, xidmətlər və investisiyalar üzrə mövcud ticarət məhdudiyyətlərinin sayının artmasına səbəb olub ki, onların ümumi sayı 2023-cü ildə 3 mini keçib.

Bundan əlavə, BVF-nin qeyd etdiyi kimi, 2017-ci ildən 2023-cü ilə qədər Pekin və Vaşinqton arasında artan ziddiyyətlər fonunda Çinin ABŞ-a idxaldakı payı 8% azalıb.

Həmçinin, fondun hesablamalarına görə, Ukrayna münaqişəsi fonunda Rusiya ilə Qərb arasında birbaşa ticarət “yıxılıb”.

Tural