Burnu axdığı üçün xəstəxanaya gəldi, beynindən maye sızdığı ortaya çıxdı

35 yaşlı kişi başını əyən zaman yaranan burun axması şikayətləri ilə Moskva vilayətinin Jukovski xəstəxanasına yerləşdirilib. Məlum olub ki, bu, qeyri-adi haldır.

Publika.az xəbər verir ki, xəstə neyrocərrahlarla birlikdə KT sisternoqrafiyasından keçib, nəticədə kəllə sümüyünün kökündə və anterior kəllə çuxurunun nahiyəsində qüsur aşkar edilib. Orada dəlik əmələ gəlib. Əslində, xəstənin burnundan axan mayenin beyindən axan onurğa beyni mayesi olduğu bildirlib.

Məlum olub ki, bir neçə ay əvvəl kişi 6 metr hündürlükdən yıxılaraq beyin travması alıb. Serebrospinal mayenin sızması xəstəni menenjit, beyin və onurğa beynində infeksiyanın inkişafı ilə təhdid edib.

“Otorinolarinqoloqlar burun boşluğundan endoskopdan istifadə edərək kəllə sümüyü ilə dura mater arasında plastik əməliyyat keçiriblər. Qüsuru bağlamaq üçün xəstənin bud sümüyü əzələsinin birləşdirici toxuma membranı olan piy toxuması və fassiyadan istifadə edilib”, - Jukovski Xəstəxanasının otorinolarinqoloqu Avetis Martirosov bildirib.

Hazırda xəstə özünü yaxşı hiss edir və artıq ambulator müalicəyə buraxılıb.