Bu ölkələr Gürcüstanın fitvasına gedəcəkmi? - Rusiyaya qarşı “ikinci cəbhə” təklifi

Rusiyaya qarşı “ikinci cəbhə” açmaq məsələsində Qərbin təzyiqi ilə üzləşən Gürcüstan Baltikyanı ölkələri buna dəvət edib.

Publika.az xəbər veri ki, bu barədə "Vzqlyad" qəzeti məlumat yayıb.

“Əgər kimsə “ikinci cəbhə” açmaq istəyirsə, Baltikyanı ölkələr var, açsınlar, Gürcüstanı tək buraxsınlar”, - hakim “Gürcü arzusu”nun baş katibi, Tbilisi meri Kaxa Kaladze deyib.

Onun sözlərinə görə, bir sıra Qərb ölkələri son vaxtlar Gürcüstana qarşı “qeyri-dost və qeyri-sağlam münasibət” nümayiş etdirirlər.

“Sovet İttifaqı dağılanda xalqın meydana çıxdığı və işini gördüyü ilk ölkə Gürcüstan oldu. İndi qoy başqaları bunu etsin. Biz heç vaxt geri çəkilmədik, döyüşdük, beynəlxalq missiyalarda iştirak etdik. Amma indi bizimlə dostcasına davranırlar”, - Kaxa Kaladze bildirib.

Onun sözlərinə görə, Gürcüstanı tənqid edənlər “Avropanı və onun gələcəyini ilk dəfə gözdən salacaq” insanlardır.

“Bu gün bizə sülh lazımdır. Bizə dostlar və tərəfdaşlar lazımdır, sağlam münasibətlər lazımdır. Gürcüstan buna hazırdır, lakin Gürcüstandan başqalarının maraqları üçün istifadə etmək, burada Ukraynadakı kimi vəziyyəti yaratmaq cəhdləri heç bir nəticə verməyəcək”, - mer paytaxt hökumətinin iclasında bildirib.

Baş katib sonda deyib: “Gürcüstan xalqı bilməlidir ki, kimin onları sevdiyini, kimin düşmənçilik etdiyini bilir. Düşmənçilik odur ki, Qərb burada inqilabi ssenarini və qütbləşmədə iştirak edən təşkilatları maliyyələşdirir”.

Adəm Abbaslı