Bu, o ölkələr üçün xəbərdarlıqdır - Moskva mesaj verdi
Bizi izləyin
Kanon

Dünya

Bu, o ölkələr üçün xəbərdarlıqdır - Moskva mesaj verdi

Rusiya ilə KXDR arasında razılaşma regionun problemlərini hərbi yolla həll etməyi planlaşdıran ölkələr üçün xəbərdarlıqdır.

Publika.az xəbər verir ki, bunu Rusiya xarici işlər nazirinin müavini Andrey Rudenko "RİA Novosti"yə müsahibəsində bildirib.

Onun sözlərinə görə, Moskva dəfələrlə qeyd edib ki, saziş nə Cənubi Koreyaya, nə də üçüncü ölkələrə qarşı yönəlməyib, “Şimal-Şərqi Asiya regionunda onsuz da çətin olan vəziyyəti pozmağa yönəlməyib”.

Rudenko vurğulayıb ki, subregiondakı gərginliyin əsas mənbəyi ABŞ-ın “başqa şeylərlə yanaşı, Koreya yarımadasındakı gərginlikdən istifadə edərək regionda hərbi mövcudluğunu daim artıran” siyasətidir.

“Bütün bu siyasətin əsas məqsədi təkcə KXDR deyil, həm də Çin və Rusiyanı cilovlamaqdır”, - deyə diplomat bildirib.

O əlavə edib ki, Vaşinqton özünün təhrik etdiyi hazırkı gərginlikdən istifadə edərək, müttəfiqlərinin ərazisində bazalarını və raket sistemlərini yerləşdirir.

Adəm Abbaslı

Oxumağa davam et
Reklam
Reklam

Gündəm

Kanon