Dünya

Haniyənin qətli ilə bağlı bəyanat layihəsi rədd edildi

1 Avqust 2024 08:22

İranın BMT-dəki daimi nümayəndəsi Əmir Səid İrəvani ABŞ, Böyük Britaniya və Fransanın HƏMAS Siyasi Bürosunun rəisi İsmayıl Haniyənin qətli ilə bağlı Rusiyanın irəli sürdüyü bəyanat layihəsini rədd etdiklərini açıqlayıb.

Publika.az xəbər verir ki, bu barədə diplomat BMT Təhlükəsizlik Şurasının iclasında deyib.

“ABŞ, Böyük Britaniya və Fransa Rusiyanın İsrailin vəhşiliyini pisləyən təklifini bloklayıblar”, – İrəvani çıxışında vurğulayıb.

Daha əvvəl BMT TŞ-nin dövri sədri Rusiyanın dünya təşkilatındakı daimi nümayəndəsinin birinci müavini Dmitri Polyanski HƏMAS hərəkatının Siyasi Bürosunun rəisi İsmayıl Haniyənin İranda öldürülməsi ilə bağlı BMT Təhlükəsizlik Şurası (TŞ) iyulun 31-də fövqəladə iclas keçirəcəyini açıqlamışdı.

Xatırladaq ki, İsmayıl Haniyə iyulun 31-də İranın paytaxtı Tehranda öldürülüb.