İsrail və İspaniya arasında münasibətlər bu səbəbdən gərginləşdi

İsrailin İspaniyanı “antisemitizm üçün sığınacaq” kimi ittiham etməsi iki ölkə arasında mübahisələrə səbəb olub.

Publika.az xəbər verir ki, İsrail Xarici İşlər Nazirliyinin yazılı açıqlamasında İspaniyanı "İsrailin məhvinə təhrik etmək və nifrət toxumu səpərək antisemitizm üçün sığınacaq olmaq" kimi ittiham etdiyi ifadələr mübahisə yaradıb.

İttihamda 5-7 sentyabr tarixləri arasında İspaniyada təşkil edilən "İsrailin Qəzzada soyqırımını dayandırın" başlıqlı nümayişlərə və "Məsəd Bədil" adlı təşkilata istinad edilib.

"İspaniya tolerant ölkədir, burada insanın ifadə azadlığı var. Nifrətin qızışdırılmasının istənilən forması, o cümlədən, təbii ki, antisemitizm nəinki geniş şəkildə rədd edilir, həm də cinayət məcəlləsinə daxil edilir. Kimsə nifrət və ya antisemitizm salma cinayətinin törədildiyinə inanırsa, prokurorluğa müraciət edə bilər. Bizim antisemitizmə qarşı da planımız var”, - İspaniyanın xarici işlər naziri Jose Manuel Albares dövlət televiziyası “RTVE”ə verdiyi açıqlamasında deyib.

Roza