Dünya

Bu ölkənin ən varlı qadını edam ediləcək: Apellyasiya məhkəməsini də uduzdu

3 Dekabr 2024 12:28

Vyetnam Ali Xalq Məhkəməsi ölkənin ən zəngin qadınlarından biri olan Çuonq Mi Lanın daha əvvəl edam cəzasına məhkum edildiyi dələduzluq işi üzrə şikayətini rədd edib.

Publika.az xəbər verir ki, bu barədə yerli mətbuat məlumat yayıb.

"Çuonq Mi Lanın hərəkətlərindən dəyən zərər böyükdür və son dərəcə ciddi nəticələrə malikdir... Cəzanı yüngülləşdirmək üçün heç bir əsas yoxdur", - Hoşimin şəhər məhkəməsinin qərarında bildirilr.

Xatırladaq ki, Lan aprel ayında 12,3 milyard dolları mənimsəməkdə, məmurlara rüşvət verməkdə və kredit vermə qaydalarını pozmaqda təqsirli bilinib. Hazırda iş qadını birinci iş üzrə ölümə, ikinci iş üzrə isə ömürlük həbsə məhkum edilib. Məhkəmə onun əməllərindən dəyən ümumi zərəri təxminən 27 milyard ABŞ dolları qiymətləndirib.

Tural