Türkiyə üçün vacib xəbər: ABŞ-la anlaşdı, “Qazprombank” sanksiyalardan azad edildi

Türkiyə ABŞ-ın “Qazprombank”a qarşı sanksiyalarından azad edilib.

Publika.az xəbər verir ki, Türkiyənin energetika və təbii sərvətlər naziri Alparslan Bayraktar bəzi məhdudiyyətlərə əməl etməmək icazəsi barədə danışıb.

Onun sözlərinə görə, Türkiyə Rusiya qazının pulunu “Qazprombank” vasitəsilə ödəməyə davam edə bilər. Türkiyə rəsmisi bunu Energetika Nazirliyi və Dövlət Departamentindən olan amerikalı həmkarları ilə görüşdən sonra bəyan edib.

Noyabrın sonunda ABŞ Rusiyanın bir sıra kredit təşkilatlarına qarşı bloklayıcı sanksiyalar tətbiq edib. 50-dən çox bank yeni məhdudiyyətlərə məruz qaldı, o cümlədən “Qazprombank”.

Türkiyəli siyasətçinin sözlərinə görə, “Qazprombank” vasitəsilə ödəniş icazəsi olmadan ölkə Rusiya Federasiyasından enerji resursları üçün ödəniş edə bilməyəcəkdi.

Eyni zamanda, Rusiyanın enerji resursları qaz istehlakının 40 faizini, neftin isə yarısını təmin edir. Bayraktar bu vəziyyətin Türkiyə üçün böyük problemlər vəd etdiyinə diqqət çəkərək, mümkün istisnalardan danışaraq, İranla bağlı presedentləri xatırladıb.

Kreml ABŞ-ın “Qazprombank”a qarşı sanksiyalarını Rusiya qazının Avropaya tədarükünün qarşısını almaq cəhdi kimi qəbul etdiyinə aydınlıq gətirib və cavab tədbirləri görəcəyini vəd edib. Rusiya prezidentinin mətbuat katibi Dmitri Peskov qazın ödənişi ilə bağlı vəziyyətin həll olunacağını bildirib və bunun “bir qədər vaxt apara biləcəyini” etiraf edib.

Tural