Azərbaycanı təcrid etmək üçün Ermənistan-İran layihəsi: Nə pul ayıran var, nə də maraqlanan

Erməni Milli Konqresi (AMK) partiyasının sədr müavini, parlamentin keçmiş deputatı Aram Manukyanın sözlərinə görə, təkcə Ermənistan ərazisindən İrana dəmir yolunun çəkilməsinin dəyəri təxminən 2,5 milyard dollar qiymətləndirilir.

Publiika.az xəbər verir ki, təşəbbüs daha əvvəl partiyanın seçki proqramına daxil edilmişdi və İrana birbaşa Ermənistan ərazisindən dəmir yolu xəttinin çəkilməsini nəzərdə tuturdu. "Layihənin ilkin dəyəri 2-3 milyard dollar arasında qiymətləndirilirdi, hədəf 2,5 milyard dollar idi. Bu məbləğ sabit deyil və çox güman ki, yuxarıya doğru düzəlişlər edilə bilər. Layihənin icra müddəti ilkin olaraq 4-5 il qiymətləndirilir", - Manukyan qeyd edib.

O vurğulayıb ki, optimal maliyyələşdirmə modeli maraqlı dövlətlərin və təşkilatların cəlb olunduğu beynəlxalq konsorsiumun yaradılması olacaq. Layihə Rusiya, Gürcüstan, Ermənistan, İran, Hindistan və Çini əhatə edən Şimal-Cənub nəqliyyat oxunu əhatə edir və onun sözlərinə görə, potensial investorların dairəsini müəyyən edir.

"Konseptual olaraq, bu, iqtisadi layihədən daha çox siyasidir. Əgər həyata keçirilsə, Ermənistan Şimal-Cənub və Qərb-Şərq istiqamətlərinin kəsişməsində əsas nəqliyyat qovşağına çevrilə bilər", - Manukyan bildirib.

Manukyan xatırladıb ki, hələ 2016-cı ildə ilkin texniki-iqtisadi əsaslandırmalar aparılıb, kartoqrafik materiallar hazırlanıb, lazımi tədqiqatlar tamamlanıb, lakin layihə praktiki icra mərhələsinə gətirilməyib.

Tural