Sərhəd qüvvələri arasında qarşıdurma: Ölənlər var

Əfqanıstan və Pakistan sərhəd qüvvələri arasında silahlı qarşıdurma baş verib.

Publika.az xəbər verir ki, Əfqanıstan və Pakistan sərhədində toqquşmaların davam edir.

Bildirilir ki, Pakistan qüvvələrinin minaatan hücumu nəticəsində Dand-e Patan rayonunda 3 Əfqanıstan vətəndaşı həlak olub.

Pakistan qüvvələri Xost şəhərinin Əli Şer rayonunda Əfqanıstan qüvvələrinə aid bəzi nəzarət-buraxılış məntəqələrini yandırıb. Əfqan qüvvələri isə Paktiya əyalətinin Dand-e Patan rayonunda Pakistan qüvvələrinə aid iki nəzarət məntəqəsini ələ keçirib.

Dekabrın 24-də Pakistan döyüş təyyarələri Əfqanıstanın Pktika əyalətinin iki ölkə sərhədinə yaxın bəzi bölgələrinə hava zərbələri endirib. Pakistan tərəfi Talibanın bazalarının hədəf alındığını, Əfqanıstan tərəfi isə mülki şəxslərin hədəf alındığını, əksəriyyəti uşaq və qadın olan ən azı 46 nəfərin həyatını itirdiyini açıqlayıb.

Birləşmiş Millətlər Təşkilatının (BMT) Əfqanıstana Yardım Missiyası (UNAMA) da hücumda onlarla mülki vətəndaşın həyatını itirdiyini açıqlayıb.

Aysel Şahmar