Dünya

Yunanıstanda 4 günlük matəm elan edildi

6 Yanvar 2025 14:02

Yunanıstanda keçmiş baş nazir Kostas Simitisin vəfatı ilə əlaqədar 4 günlük milli matəm elan edilib.

Publika.az xəbər verir ki, dünyasını dəyişən 88 yaşlı Simitisin dəfn xərcləri dövlət büdcəsindən qarşılanacaq.

Mərasim yanvarın 9-da yerli vaxtla saat 12:00-da keçiriləcək. Simitis üçün elan edilən milli matəmlə əlaqədar bütün dövlət qurumlarında bayraqlar 4 gün ərzində yarıya qədər endiriləcək.

Qeyd edək ki, bu gün səhər saatlarında təcili yardım maşını ilə Korintos xəstəxanasına aparılan Simitisin həyatını xilas etmək mümkün olmayıb.

1936-cı ildə anadan olan Simitis Yunanıstanda dəfələrlə hakimiyyətdə olan PASOK-un qurucu üzvlərindən biri olub. Simitis PASOK hökuməti dövründə dəfələrlə nazir vəzifəsində çalışsa da, 1996-2004-cü illərdə həm partiya lideri, həm də baş nazir vəzifələrini icra edib.

Aysel Şahmar