Türkiyədə həyəcan: Terrorçular bu ərazilərə hücum planlaşdırır

Milli Kəşfiyyat Təşkilatı (MİT) mənbələri Türkiyədəki İŞİD qruplarının yenidən aktivləşdiyini bildirib.

Publika.az Türkiyə mətbuatına istinadən xəbər verir ki, MİT və polis bu səbəbdən hədəf əməliyyatlarına başlayıb.

Təhlükəsizlik mənbələri terror təşkilatının Türkiyədə qəzəbə səbəb olacaq hərəkətlər etdiyi və ibadət evlərinə, kilsələrə və izdihamlı ərazilərə hücumlar planlaşdırdığı barədə məlumat paylaşıblar.

“Türkiyə gazetesi”nin məlumatına görə, İsrail kəşfiyyat agentliyi MOSSAD tərəfindən Türkiyə və Suriyada təxribat hərəkətləri üçün İraqın Süleymaniyyə bölgəsində xüsusi əməliyyat zonası yaradılıb. Bildirilir ki, PKK terrorçuları burada aktiv rol oynayırlar.

Suriyada mühüm vəzifələrdə çalışmış keçmiş kəşfiyyatçı Məhəmməd Əli Melhimin mətbuata açıqlamasına görə, Suriyanın daxilində 500-dən çox silahlı terrorçu sərbəst şəkildə dolaşır:

“Onların böyük əksəriyyəti SDQ bölgəsindən çıxan terrorçulardır. Eyni zamanda Türkiyədəki hüceyrələr də yenidən aktivləşdirilib. Mümkün əməliyyatların qarşısını almaq üçün hazırlıq lazımdır. Yaxın dövrdə Suriya və Türkiyədə bəzi dini mərkəzlərə hücumlar baş verə bilər. Onlar cəmiyyətin ən həssas nöqtələri ilə oynayan bir əməliyyat planı çərçivəsində hərəkət edirlər. Çox böyük və ağlasığmaz addımlara əl ata bilərlər”.

Roza